Anders Szabo har registrert over 700 turar so langt i sommar. Turgåarar blir åtvara mot at poengsamlinga kan bli viktigare enn naturopplevinga.

Anders Szabo har registrert over 700 turar so langt i sommar. Turgåarar blir åtvara mot at poengsamlinga kan bli viktigare enn naturopplevinga. PÅ TOPP: Målet var først å kome inn på topp 10-lista, men no ligg Anders Szabo heilt øvst. – Det blir sju-åtte turar om dagen. Den første turen tek eg klokka 5 om morgonen på veg til jobb. Anders Szabo frå Ålesund brukar turappen «Stikk ut» og toppar lista på Sunnmøre denne sommaren med 714 registreringar. Han har alltid vært glad i friluftsliv, men legg ikkje skjul på at det har blitt nokre ekstra turar for å samle poeng etter at han starta å bruke turappen i mai. – Eg bryr meg ikkje om topplista, men det har gått litt sport i det. Det tirrar eit konkurranseinstinkt i meg, fortel Szabo. For Ragnhildur Hreidarsdottir i Tennfjorden handlar ikkje dei 370 turane i sommar om å samle poeng, men å halde seg frisk og møte andre menneske. – Eg konkurrerer ikkje med nokon. Eg går berre fire turar kvar dag, så blir det fort mange registreringar, seier ho.