I «Kåffa» var han ein nøkkelspelar. Blant «Gutan» har konkurransen om midtstopparplassane vore tøffare for Mathias Tønnessen.

I «Kåffa» var han ein nøkkelspelar. Blant «Gutan» har konkurransen om midtstopparplassane vore tøffare for Mathias Tønnessen. Sala av midtstopparane Tobias Guddal og Abubacarr Sedi Kinteh opnar for meir speletid for Mathias Tønnessen framover. 22-åringen vart den dyraste Tromsø-spelaren i historia då han vart kjøpt frå KFUM Oslo i vinter. – Eg har komme til eit betre lag. Då må ein gjere seg meir fortent til plassen. I «Kåffa» hadde eg ingen ordentlege konkurrentar. Det er noko heilt anna her, seier Tønnessen. Tønnessen var ein sentral spelar i KFUM Oslo. Her feirar han saman med dei gamle lagkameratane etter eit mål mot Molde. TIL spelar vanlegvis med tre stopparar. Sidan overgangen har Tønnessen berre starta to seriekampar. Han har også vore den med klart minst speletid i Eliteserien blant stopparane i troppen, ifølgje statistikken til Fotmob: Men no er altså to av fem av desse stopparar selt, noko som opnar opp for meir speletid for Tønnessen. Søndag fekk han sin første heile eliteseriekamp for TIL i 6–2 overrumplinga mot Aalesund.